Veb sayt ziyarətçisi və müştəri məlumat mətni

“KIGILI AZERBAYCAN” MƏHDUD MƏSULİYYƏTLİ CƏMİYYƏTİ

İNTERNET SAYTI İSTİFADƏÇİSİ ÜÇÜN FƏRDİ MƏLUMATLARIN EMALINA RAZILIQ

Bu sənəd “Kigili Azerbaycan” Məhdud Məsuliyyətli Cəmiyyəti (VÖEN: 1309788751, qeydiyyat ünvanı: Bakı şəhəri, Zahid Xəlilov küçəsi, ev 18A, mənzil 39; bundan sonra – “Operator” və ya “Şirkət”) tərəfindən idarə olunan internet saytının (abdullahkigili.az) istifadəçiləri və müştərilərinə (bundan sonra – “Subyekt” və ya “İstifadəçi”) ünvanlanır. Sənəd Azərbaycan Respublikasının 11 may 2010-cu il tarixli 998-IIIQ saylı “Fərdi məlumatlar haqqında” Qanununun (bundan sonra – “Qanun”) tələblərinə uyğun hazırlanmışdır.

İstifadəçi internet saytını ziyarət edərkən, qeydiyyatdan keçərkən, üzvlüyə qoşularkən, qonaq qismində alış-veriş edərkən, “Whatsapp köməkçisi” xidmətindən istifadə edərkən, əlaqə formaları və ya digər elektron rabitə vasitələri ilə Şirkətə müraciət edərkən aşağıdakı şərtlərlə tanış olur və müvafiq xanaları (☐) elektron şəkildə işarələməklə razılığını bildirir. Hər bir razılıq müstəqil və ayrıca verilir; İstifadəçi yalnız bir, bir neçə və ya hər üç xananı işarələmək hüququna malikdir.

I. ÜMUMİ MÜDDƏALAR VƏ ANLAYIŞLAR

1.1. Bu sənəddə istifadə olunan əsas anlayışlar Qanunda nəzərdə tutulmuş mənaları ifadə edir, o cümlədən:

  • Fərdi məlumatlar – Subyektin kimliyini birbaşa və ya dolayısı ilə müəyyənləşdirməyə imkan verən istənilən məlumat (ad, soyad, ata adı, doğum tarixi, cinsi, telefon nömrəsi, elektron poçt ünvanı, çatdırılma ünvanı, IP ünvanı, brauzer və cihaz məlumatları, sifariş və ödəniş məlumatları, hesab/üzvlük məlumatları və s.);

  • Fərdi məlumatların emalı (işlənilməsi) – fərdi məlumatlar üzərində aparılan istənilən əməliyyat və ya əməliyyatlar məcmusu, o cümlədən toplanması, yazılması, sistemləşdirilməsi, saxlanması, dəqiqləşdirilməsi, yenilənməsi, dəyişdirilməsi, çıxarılması, istifadəsi, ötürülməsi (transsərhəd ötürülmə daxil olmaqla), adsızlaşdırılması, bloklanması və məhv edilməsi;

  • Operator – fərdi məlumatların toplanılmasını, işlənilməsini və mühafizəsini həyata keçirən şəxs, yəni “Kigili Azerbaycan” MMC;

  • Subyekt – barəsində fərdi məlumatlar toplanılan, işlənilən və mühafizə edilən fiziki şəxs (internet saytının ziyarətçisi, qeydiyyatdan keçmiş üzv, müştəri, qonaq alıcı və ya əlaqə formaları vasitəsilə müraciət edən şəxs);

  • Transsərhəd ötürülmə – fərdi məlumatların Azərbaycan Respublikasının dövlət sərhədindən kənarda yerləşən hüquqi və ya fiziki şəxslərə, məlumat bazalarına və ya bulud (cloud) infrastrukturuna verilməsi. Bu cür transsərhəd ötürülmə Türkiyyə Respublikasını, Avropa, Asiya və Amerika qitələrində yerləşən ölkələri ehtiva edir.

1.2. Razılıqlar Subyekt tərəfindən sərbəst iradə əsasında, məqsədli və məlumatlı şəkildə verilir. Razılıq müvafiq xananın elektron işarələnməsi (tıklama) yolu ilə təsdiqlənir və Qanunun 8-ci maddəsinin tələbləri baxımından yazılı razılığa bərabər tutulur.

1.3. İstifadəçi razılığını istənilən zaman, hər hansı bir əsaslandırma tələb olunmadan, razılığın geri götürülməsi və müraciətlər üçün elektron poçt ünvanına info@abdullahkigili.az sərbəst formada yazılı ərizə göndərməklə təqdim edib və istəyini söyləyərək geri götürə bilər. Razılığın geri götürülməsi və elektron rabitədən imtina həmçinin bu keçid (https://abdullahkigili.az/pages/unsiyy%C9%99t) vasitəsilə də icra oluna bilinir.

II. İNTERNET SAYTI VASİTƏSİLƏ TOPLANAN FƏRDİ MƏLUMATLAR

2.1. Operator İstifadəçi tərəfindən internet saytı vasitəsilə təqdim olunan və ya saytın istifadəsi nəticəsində yaranan aşağıdakı kateqoriyalı fərdi məlumatları toplaya və emal edə bilər:

  • şəxsiyyət məlumatları: ad, soyad, ata adı, cinsi, doğum tarixi;

  • əlaqə məlumatları: mobil/sabit telefon nömrəsi, elektron poçt ünvanı, çatdırılma və/və ya hesab ünvanı, ölkə və şəhər;

  • hesab/üzvlük məlumatları: istifadəçi adı, parol (heş formada), üzvlük tarixi, üzvlük statusu, alış-veriş tarixçəsi, səbət və istək siyahısı məlumatları;

  • qonaq alış-verişi məlumatları: sifarişin yaradılması, fakturalandırma və çatdırılma üçün zəruri olan ad, soyad, çatdırılma ünvanı, telefon nömrəsi və elektron poçt ünvanı;

  • əməliyyat təhlükəsizliyi məlumatları: IP ünvanı, brauzer və əməliyyat sistemi məlumatları, cihaz identifikatorları, log qeydləri, sayt ziyarət tarixçəsi, kuki (cookie) və oxşar texnologiyalar vasitəsilə əldə edilən məlumatlar. Subyekt, həmçinin, Operatorun Kuki Siyasəti səhifəsində yerləşən kuki (cookie) siyasətilə tanış olub və onu qəbul edir;

  • müştəri xidmətləri məlumatları: “Whatsapp köməkçisi” vasitəsilə yazışmalar və təqdim olunan məlumatlar, əlaqə forması, rəy və təklif forması, sifariş və çatdırılma sorğulama xidmətləri vasitəsilə təqdim olunan ad, soyad, telefon nömrəsi, elektron poçt ünvanı, sorğunun məzmunu və əlavə edilmiş məlumatlar;

  • marketinq məlumatları: kampaniya, endirim və bonuslara dair üstünlüklər, abunəlik statusu, elektron rabitə kanallarına (e-poçt, SMS, WhatsApp, push-bildirişlər və s.) dair seçimlər;

  • ödəniş ilə əlaqəli, lakin Operator tərəfindən birbaşa saxlanılmayan məlumatlar: ödəniş əməliyyatı sertifikatlaşdırılmış ödəniş təminatçıları vasitəsilə həyata keçirilir; Operator yalnız əməliyyatın nəticəsi və sifariş identifikatoru səviyyəsində məlumatı qəbul edir.

2.2. Operator yalnız bəyan edilmiş məqsədlərə nail olmaq üçün zəruri həcmdə fərdi məlumatları toplayır. Lakin Operator xüsusi kateqoriyalı fərdi məlumatları (fiziki şəxsin irqi və ya milli mənsubiyyətinə, ailə həyatına, dini etiqadına və əqidəsinə, səhhətinə və ya məhkumluğuna aid olan məlumatlar) məqsədyönlü şəkildə toplamır.

III. EMALIN MƏQSƏDLƏRİ VƏ ƏMƏLİYYATLAR

3.1. Fərdi məlumatlar aşağıdakı məqsədlərlə emal olunur:

  • internet saytının fəaliyyətinin təmin edilməsi, istifadəçi sessiyalarının idarə olunması, təhlükəsizlik və saxtakarlığa qarşı tədbirlərin görülməsi;

  • üzvlük hesablarının yaradılması və idarə olunması, qonaq alış-verişləri də daxil olmaqla sifarişlərin qəbulu, fakturalandırılması, çatdırılması və qaytarılması;

  • müştəri xidmətlərinin göstərilməsi, sual, tələb və şikayətlərin qəbulu və cavablandırılması, “Whatsapp köməkçisi” xidmətinin təmini, əlaqə forması və elektron poçt vasitəsilə kommunikasiya;

  • xidmətin keyfiyyətinin artırılması, statistik təhlillər (məlumatlar adsızlaşdırılmış formada), saytın funksional inkişafı və istifadəçi təcrübəsinin yaxşılaşdırılması;

  • qanunvericilikdən irəli gələn öhdəliklərin yerinə yetirilməsi, mühasibat və vergi uçotu sənədlərinin saxlanılması, səlahiyyətli dövlət orqanlarının qanuni sorğularına cavab verilməsi;

  • ayrıca razılıq verildiyi təqdirdə – Subyektə Operator tərəfindən marketinq və promosional kommunikasiyanın həyata keçirilməsi, elektron poçt, Whatsapp messencer və SMS üzərindən bildirişlərin, o cümlədən reklam xarakterli məlumatların, marketinq və promosional kampaniyaların, ekskluziv təkliflərın, endirim və bonusların, Operatorun tədbirlərinə dəvətlərin və reklam-informasiya xarakterli digər məlumatların göndərilməsi üçün istifadə oluna bilər. Həmçinin bu məlumatlar Subyektin şəxsiyyətinin Operatorun tədbirlərində iştirak zamanı təsdiq edilməsi məqsədilə istifadə edilə bilər;

  • ayrıca razılıq verildiyi təqdirdə – fərdi məlumatların Türkiyyə Respublikasında, və həmçinin, Avropa, Asiya və Amerika qitələrində yerləşən ölkələrdə yerləşən qrup şirkətlərinə, məlumat bazalarına və xidmət təminatçılarına transsərhəd ötürülməsi.

3.2. Fərdi məlumatlar üzərində aparılan əməliyyatlara toplanma, qeydiyyat, sistemləşdirilmə, saxlanma, dəqiqləşdirilmə, yenilənmə, dəyişdirilmə, istifadə, ötürülmə, adsızlaşdırılma, bloklanma və məhv edilmə daxildir. Emal həm avtomatlaşdırılmış vasitələrlə, həm də avtomatlaşdırılmış olmayan üsullarla, Operatorun daxili qaydalarına və Azərbaycan Respublikasının qüvvədə olan qanunvericiliyinə uyğun olaraq həyata keçirilir.

IV. TƏHLÜKƏSİZLİK VƏ KONFİDENSİALLIQ ÖHDƏLİYİ

4.1. Operator fərdi məlumatların üçüncü şəxslər tərəfindən qanunsuz və ya təsadüfi əldə edilməsinin, məhv edilməsinin, dəyişdirilməsinin, bloklanmasının, köçürülməsinin, açıqlanmasının və ya digər qanunsuz hərəkətlərin qarşısının alınması məqsədilə zəruri hüquqi, təşkilati və texniki tədbirlər görür və ya onların görülməsini təmin edir.

4.2. Operator və onun səlahiyyətli işçiləri, habelə müqavilə əsasında cəlb edilmiş emal üzrə icraçılar (məlumat emal edənlər) Subyektin fərdi məlumatlarının konfidensiallığını həm fəaliyyət dövründə, həm də müvafiq hüquq münasibətləri xitam verildikdən sonra qoruyurlar.

4.3. Üçüncü şəxslərə fərdi məlumatların ötürülməsi yalnız (i) Subyektin razılığı, (ii) qanunvericiliyin birbaşa nəzərdə tutduğu hallar və ya (iii) Subyektin həyat və sağlamlığının qorunması məqsədləri çərçivəsində həyata keçirilir.

V. RAZILIĞIN MÜDDƏTİ, SAXLANMA VƏ MƏHV EDİLMƏ

5.1. Bu razılıq Subyekt tərəfindən müvafiq xananın elektron işarələnməsi anından qüvvəyə minir və 5 (beş) il müddətində qüvvədə qalır, bu şərtlə ki, vergi, mühasibat və digər qanunvericiliklə müəyyən olunmuş saxlanma müddətləri daha uzundursa, müvafiq məlumatlar yalnız həmin öhdəliklərin yerinə yetirilməsi məqsədilə saxlanır.

5.2. Razılığın müddəti başa çatdıqda, Subyekt tərəfindən razılıq vaxtından əvvəl geri götürüldükdə, yaxud Subyekt vəfat etdikdə və ya emalın məqsədi aradan qalxdıqda, Operator həmin razılıq əsasında saxlanılan fərdi məlumatları 10 (on) iş günü ərzində Operatorun bütün məlumat bazalarından və yazılı/elektron daşıyıcılarından silməyi və məhv etməyi (qanunla məcburi saxlanma tələb olunan hallar istisna olmaqla) öhdəsinə götürür.

5.3. Müəyyən bir razılıq blokunun (məsələn, marketinq və ya transsərhəd ötürülmə) geri götürülməsi digər bloklar üzrə razılıqların və müvafiq emalın qüvvəsinə təsir etmir.

VI. SUBYEKTİN HÜQUQLARI

6.1. Subyekt Qanunun 7-ci maddəsinə uyğun olaraq aşağıdakı hüquqlara malikdir:

  • özü barəsində fərdi məlumatların mövcudluğu, mülkiyyətçisi və operatoru haqqında məlumat almaq;

  • emalın hüquqi əsasını, məqsədini, müddətini, üsullarını və məlumatları əldə edən şəxslərin dairəsini öyrənmək;

  • özü barəsində toplanılmış fərdi məlumatların məzmunu ilə tanış olmaq;

  • fərdi məlumatların dəqiqləşdirilməsini, qanunla nəzərdə tutulmuş hallar istisna olmaqla, məhv edilməsini və ya arxivə verilməsini tələb etmək;

  • fərdi məlumatların toplanılmasına və emalına qadağan qoyulmasını tələb etmək, habelə razılığı geri çağırmaq;

  • fərdi məlumatların əldə edilmə mənbələri və qanuniliyinin sübuta yetirilməsi barədə məlumat almaq;

  • fərdi məlumatların mühafizəsini və müvafiq informasiya sisteminin uyğunluq sertifikatı barədə məlumat almağı tələb etmək;

  • hüquqlarının pozulduğu hallarda müvafiq icra hakimiyyəti orqanına və ya məhkəməyə şikayət etmək, dəymiş ziyanın ödənilməsini tələb etmək.

6.2. Subyekt yuxarıda göstərilən hüquqlarını info@abdullahkigili.az – elektron poçt ünvanına yazılı ərizə göndərməklə və ya gücləndirilmiş elektron imzalı elektron sənəd təqdim etməklə həyata keçirir. Operator sorğuya 7 (yeddi) iş günü ərzində cavab verir.

VII. MÜSTƏQİL RAZILIQ BLOKLARI

Aşağıdakı iki razılıq bloku texniki cəhətdən bir-birindən müstəqildir. İstifadəçi internet saytında hər bir blok üçün ayrıca xananı işarələmək imkanına malikdir. Marketinq kommunikasiyasına razılığın verilməməsi internet saytından istifadəyə və ya sifarişin yerinə yetirilməsinə təsir etmir. Lakin, fərdi məlumatların Azərbaycan Respublikasında emalına və  transsərhəd ötürülməsinə razılığın verilməməsi, xidmətin texniki olaraq həyata keçirilməsini (məsələn, müvafiq sistem infrastrukturunun Türkiyyə Respublikasında və digər xarici ölkələrdə yerləşməsi səbəbindən) mümkünsüz edir. 

Razılıq Bloku № 1 – Fərdi məlumatların Azərbaycanda emalı (toplanılması, istifadəsi, saxlanması, mühafizəsi və emalı) və fərdi məlumatların xarici ölkələrə transsərhəd ötürülməsi

Mən, sərbəst iradəm və öz maraqlarım naminə, “Kigili Azerbaycan” MMC tərəfindən internet saytında fəaliyyətim çərçivəsində təqdim etdiyim və avtomatik şəkildə yaranan fərdi məlumatlarımın – yuxarıda II və III bölmələrdə göstərilmiş kateqoriyalar və məqsədlər çərçivəsində – Azərbaycan Respublikası ərazisində toplanılmasına, qeydə alınmasına, sistemləşdirilməsinə, saxlanılmasına, dəqiqləşdirilməsinə, yenilənməsinə, istifadəsinə, mühafizəsinə, adsızlaşdırılmasına, bloklanmasına və məhv edilməsinə razılıq verirəm. Bu razılıq sifarişin yerinə yetirilməsi, üzvlük hesabının idarə edilməsi, müştəri xidmətinin göstərilməsi, hüquqi öhdəliklərin yerinə yetirilməsi və saytın təhlükəsizliyinin təmin edilməsi məqsədilə zəruri olan emalı əhatə edir. 

Mən, həmçinin, sərbəst və könüllü surətdə, Qanunun 14-cü maddəsinə əsasən, fərdi məlumatlarımın “Kigili Azerbaycan” MMC tərəfindən Türkiyyə Respublikasında, Avropa, Asiya və Amerika qitələrində yerləşən ölkələrdə yerləşən qrup şirkətlərinə, məlumat bazalarına (o cümlədən bulud (cloud) infrastrukturuna), səlahiyyətli emal üzrə icraçılarına və xidmət təminatçılarına transsərhəd ötürülməsinə razılıq verirəm. Belə ötürülmənin məqsədləri aşağıdakılardır: emal və saxlama, sistemlərin idarə edilməsi və texniki dəstək, CRM və müştəri münasibətlərinin idarə edilməsi, müştəri xidməti, sifariş və üzvlük məlumatlarının emalı, saytın hostinq və infrastruktur dəstəyi. Operator transsərhəd ötürülmə zamanı fərdi məlumatların təhlükəsizliyini və konfidensiallığını Qanuna uyğun səviyyədə təmin edir, qəbul edən tərəflərlə müvafiq müqavilə əsaslı təminatlar tətbiq edir.

Mənə bildirildi ki, mən, istənilən vaxt elektron rabitənin sonunda yerləşdirilmiş “abunəlikdən imtina” linkinə ([ link ]) daxil olaraq və ya info@abdullahkigili.az elektron poçt ünvanına sərbəst formada yazılı ərizə göndərməklə üçün məlumatları təqdim etməklə bu razılığı geri götürə bilərəm.

a) Fərdi məlumatlarımın Azərbaycan Respublikası ərazisində toplanılmasına, istifadəsinə, saxlanılmasına, mühafizəsinə və emalına, və b) Fərdi məlumatlarımın yuxarıda göstərilən məqsədlərlə Türkiyyə Respublikasında, Avropa, Asiya və Amerika qitələrində yerləşən ölkələrdə yerləşən qurumlara transsərhəd ötürülməsinə razılıq verirəm.

Razılıq Bloku № 2 – Marketinq məqsədli emal və elektron kommersiya kommunikasiyası

Mən, sərbəst və könüllü surətdə, “Kigili Azerbaycan” MMC tərəfindən fərdi məlumatlarımın marketinq məqsədləri ilə emal edilməsinə və mənə reklam, kampaniya, endirim, bonus, ekskluziv təkliflər, məhsul tövsiyələri, sorğular və oxşar məzmunlu kommersiya bildirişlərinin – elektron poçt, SMS, WhatsApp, telefon zəngi, push-bildiriş və digər elektron rabitə kanalları vasitəsilə – göndərilməsinə razılıq verirəm. Bu razılığın verilməməsi və ya geri götürülməsi sifarişlərin yerinə yetirilməsinə və ya internet saytından istifadəyə təsir etmir. Mənə bildirildi ki, mən, istənilən vaxt elektron rabitənin sonunda yerləşdirilmiş info@abdullahkigili.az elektron poçt ünvanına sərbəst formada yazılı ərizə göndərməklə bu razılığı geri götürə bilərəm. 

Marketinq məqsədli emala və elektron kommersiya kommunikasiyalarının (e-poçt, SMS, WhatsApp, zəng, push-bildiriş və s.) alınmasına razılıq verirəm.

VIII. ELEKTRON RAZILIĞIN TƏSDİQİ

Bu sənəddəki müvafiq xananı elektron şəkildə işarələməklə Subyekt: (i) yuxarıda göstərilən şərtlərlə tanış olduğunu və onları başa düşdüyünü; (ii) müvafiq razılıq blokunu/bloklarını sərbəst iradə əsasında verdiyini; (iii) Operator tərəfindən təqdim edilmiş məlumatın ona çatdırıldığını; (iv) verdiyi razılığın yazılı razılığa bərabər tutulduğunu təsdiq edir. Hər hansı razılıq bloku üzrə xananın işarələnməməsi həmin blok üzrə razılığın verilməməsi mənasını verir.